IMG Liðleiki og Bandvefslosun er endurnærandi og orkugefandi námskeið þar sem unnið er í að bæta hreyfanleika, liðleika og líkamsstöðu. Hver tími inniheldur liðkandi yogaæfingar, mýkjandi teygjur og bandvefslosun með nuddboltum. Notaðir eru nuddboltar til að nudda og næra bandvefinn en við það mýkist bandvefurinn og blóðflæði eykst til vöðvanna. Æfingar með nuddboltum draga úr óþarfa vöðvaspennu, bólgum og eymslum í líkamanum.

Óþarfa vöðvaspenna og vöðvabólga getur skapast útfrá stífum bandvef og rangri eða einhæfri líkamsbeitingu. Í tímunum er unnið í að leiðrétta líkamann í gegnum spennulosandi æfingaferli sem miðar að því að skapa meira jafnvægi í líkamanum, bæta líkamsástand og líkamsstöðu.  Rólegir tímar með áherslu á aukna líkamsvitund og sjálfsvinnu, þar sem hver og einn lærir að skynjar sín mörk og líkamann út frá sjálfum sér.  

Tímarnir eru 1x í viku, kærkomin viðbót við aðra líkamsrækt en einnig kjörið námskeið fyrir alla sem vilja hlúa að líkamanum, óháð annarri þjálfun. Námskeiðið er ætlað byrjendum jafnt sem lengra komnum. Dásamlegir tímar sem stuðla að endurheimt, meiri hreyfanleika, liðleika og vellíðan.

Skráning er hafin á 4 vikna kynningarnámskeið!